АЛҒЫ СӨЗ

Қай істің болсын өнуіне үш шарт бар:
​ең әуелі – ниет керек, одан соң – күш керек,
​одан соң тәртіп керек.

М.Әуезов

Қымбатты достар!

   Информатика – күнделікті өмірде ақпараттық-коммуникативтік технология құралдарын тиімді қолдана алу үшін маңызды әрі қызықты пән екенін білесіңдер. Сендер компьютердің құрылысын, оны басқаруды, қолданбалы программалармен дұрыс жұмыс жасауды, түрлі ақпараттарды өңдеуді және оны қолдануды, сақтауды, тасымалдауды білесіңдер.
   ​Бұл оқулықпен жұмыс жасауда компьютердің құрылғылары, компьютерлік желілер, ақпаратты ұсыну және өлшеу, электрондық кестелермен жұмыс жасау және модельдеу, нысанға бағытталған программалау ортасында алгоритмдер мен программалау негіздерін үйрену, үш өлшемді модельдерді құру тәсілдерімен танысасыңдар.
   ​Жаңа білім мен тәжірибені үйренуде түрлі сұрақтарға ойланып, жауап табуға, бірлесе талқылау арқылы ортақ тұжырымға келуге, практикалық-шығармашылық оқу тапсырмаларын орындау кезінде жеке ақпараттық-коммуникативтік сауаттылығыңды жетілдіруге мүмкіндік аласың. Сонымен қатар, бұл оқулықта берілген шығармашылық-практикалық тапсырмалар: алгортимдеу, модельдеу, жобалау, зерттеуге арналғандықтан, олар қызықты әрі пайдалы. Тапсырмалар сыни тұрғыдан және логикалық ойлауды дамыту мақсатында әр тақырыппен танысуда қарапайымнан күрделі дағдыны бірлесіп және өз бетінше орындау арқылы игеруге арналады. Оқулықта берілген материалға жан-жақты талдау жасап, қорытып, өмірде қолдана алу үшін үлгі, жобаларыңды ұсынуды үйренесіңдер.
   ​Информатика пәнінде алған білімің мен жаңа тәжірибені келешекте өзің қалаған мамандықта, мысалы: зерттеуші ғалым, бизнес саласында, ІТ маман, дизайнер, ұстаз етуде, робот техника маманы, сәулет өнері, кино өнері, кәсіпкерлік, ауылшаруашылық, қолөнер, т.б. салаларда жақсы маман болу үшін пайдаланасың. Білікті білім алу ынта-ықылас пен зейінді қажет етеді.

Сендерге сәттілік тілейміз!

Өтінемін күте тұрыңыз