Ғаламшар таза болуы үшін. Біз не әстеуіміз қажет

Сабақтың мақсаты:

  • экологиялық мәселелерді шешу жолдарын ұсынуды үйренесің.

Мақсатқа қол жеткізу ушін:

  • қазіргі уақытта қандай экологиялық мәселелер айтарлықтай қауіпті болып табылатынын;
  •  қазіргі кездегі туындап отырған экологиялық мәселелердің себебі неде екенін білу қажет.

«Жасыл экономика»

     Жаңа ғасырға қадам басқан Қазақстан Республикасы да басқа көптеген елдер тәрізді қоршаған орта төңірегінде күрделі мәселелермен бетпе-бет келді. Қазіргі уақытта олар мемлекеттік саясат дәрежесінде шешілетін мәселеге айналған. «Қазақстан-2050» стратегиясы еліміз дамудың «жасыл» жолына өтуіне негізделген тұрақты және тиімді экономикалық үлгісін құруға нақты бағдар береді.

     «Жасыл экономика» – халықтың өмір сүру сапасы жоғары деңгейде болатын, табиғи ресурстарды қазіргі және болашақ ұрпақ мүддесі үшін ұқыпты әрі тиімді пайдаланатын және еліміз қабылдаған халықаралық экологиялық міндеттемелеріне сәйкес келетін экономика.

     «Жасыл экономика» еліміздің тұрақты дамуын қамтамасыз ететін маңызды құралдардың бірі болып табылады. «Жасыл экономикаға» өту Қазақстанның әлемнің дамыған 30 елінің қатарына ену бойынша алға қойған мақсаттарына қол жеткізуін қамтамасыз етеді.

Экология саласындағы жұмыстарды үйлестіруді Қазақстан Республикасының Қоршаған орта және су ресурстары министрлігі жүзеге асырады. Қазақстан Республикасының Тұрақты даму ұлттық экологиялық орталығы олармен тығыз байланыста жұмыс жасайды. Оның құрылымына Халықаралық экологиялық конвенция комитеті, Жобаларды әзірлеу комитеті, Жобаларды бақылау комитеті, Каспий және мұнай-газ ластауы мәселелері жөніндегі комитет кіреді.

Ақпараттық графикасын оқы.

  • «Таза энергиясы бар 10 елдер тобы» ақпараттық графикасын оқы.
  • «Таза энергетика» сөз тіркесін қалай түсінесің? Қалай ойлайсың, таза энергияны қалай алуға болады?
  • Қандай ел осы бағытта 1-орын алады?
  • Бұл ақпараттық графикада біздің ел бар ма? Қалай ойлайсың, неліктен?

Экспо-2017, Астана

     ЭКСПО-2017 көрмесінің негізгі тақырыбы – «Болашақтың энергиясы» (100-сурет). Басты мақсаты – жауапкершілікке үндеу, пікірталастарға шақыру және әлемде адамдар табиғатқа келтіретін зиянды барынша азайта отырып, энергия тұтынуды жоспарлауды және қадағалауды үйренумен қатар, білімдерін қалыптастыру. Әлбетте, энергияның баламалы көздерін дамыту – ең маңызды экологиялық, экономикалық және саяси мәселе.

Экспо-2017, Астана

     Біздің әрқайсысымыз өзіміз өмір сүріп жатқан ортаның қолайлы экологиялық жағдайын сақтап қалуға шамамыз келгенше үлес қоса аламыз және соған міндеттіміз.

     Алдыңғы сабақтарда сен атмосфераның және гидросфераның ластануы, ядролық ластану, адамның іс-әрекетінен туындаған қалдықтармен қоршаған ортаның ластануы тәрізді өз еліміздің бірқатар экологиялық мәселесін қарастырған болатынсың. Сен, Қазақстан Республикасының азаматы, өзіңнің және еліміздің болашақ ұрпағының өмірі үшін пайдалы қандай іс жасай аласың? Ойланатын уақыт келді!

«Суды үнемдеу

     Егер біз ресурстарды – суды, энергияны және т.б. үнемді, тиімді пайдалануды қазірден бастамасақ, алдағы уақытта бізді қиын күндер күтіп тұрғанын қазіргі кезде көпшілік түсіне бастады.

Ақпараттық графикасын оқы.

  • Төменде «Суды үнемдеу» тақырыбы бойынша қарапайым кеңестер берілген ақпараттық графика. Осы кеңестермен таныс.
  • Өз нұсқаларыңды сыныпқа ұсын.
  • Суды үнемдеу бойынша өз ұсыныстарыңды айт. Мүмкін олардың кейбіреуін сен тіпті пайдаланып жүрген боларсың.

Энергосбережение

     Энергия ресурстарына сұраныс артқан және олардың тарифі өскен, сонымен қатар экологиялық жағдай нашарлаған, мұнай, көмір және газ қоры азайған кезде энергияны үнемдеу мәселесі үлкен маңызға ие болады. Ресурстарды – жылу мен электр қуатының көзі болып табылатын суды, мұнайды, газды тұрақты дамыту және орынды пайдалану – дүниежүзінің және онда өмір сүретін адамдардың қауіпсіздігінің негізі. Иә, қаласақ та, қаламасақ та, электр энергиясын үнемдеуге күш салуға тура келеді. Ғимарат кіреберісі мен пәтерде, кәсіпорындар мен мекеме кеңселерінде энергия үнемдеуші шамдарды пайдалану – бұл тек бастамасы ғана. Біздің әрқайсысымыз энергия үнемдеудің қарапайым ережелерін әдетке айналдырсақ, ол ғаламшарымызға көмектескеніміз болып табылады.

Экологияда орын алған жағдайды адамның түсінуі оларды түзету үшін тез әрі нәтижелі шаралар қолдануға мәжбүрледі. Бүгінгі күні тұрмыстық және өнеркәсіптік қалдықтарды азайту; қалдықтарды жеке және таңдап жинау, яғни қоқысты шығу тегі бойынша іріктеу тәрізді жұмыс бағыттары танымал бола бастады. Көпшілік жағдайда қалдықты жинау қайта өңдеуге болатын екінші текті материалдар алуға мүмкіндік береді. Сонымен қатар бұл қоршаған ортаға жағымсыз әсерді азайтады.

Тұрмыстық қоқысты іріктеу

Ойлан!
  • Сенің мектебіңде ескі қағаздарды жинау акциясы өткізіле ме? Бұл не үшін қажет деп ойлайсың

Простые способы действенного вклада в охрану окружающей среды

     Экологиялық пайдамен қатар қалдықтарды жеке жинау экономикалық тиімділікке жатады. Бірнеше тонна қалдықты іріктеу мекемелеріне жойып жіберу немесе қайта өңдеу үшін тасымалдау қажет болмайды.

     Қоршаған ортаны қорғауға шынайы үлес қосудың қарапайым тәсілдері өте көп. Саған тек өз әрекеттеріңді мұқият қадағалау жеткілікті.

Өтінемін күте тұрыңыз